Биир хонук иһигэр, Саха сиригэр, 33 киһи коронавирус дьаҥыгар хаптарбыта быһаарыллыбыт. 12 киһи үтүөрбүт.
edersaas.ru
Ити ыалдьыбыттартан 32 — Дьокуускайга, 1 — Ленскэй оройуонугар. Чайыҥдаҕа баахтанан үлэҕэ кэлбит киһи. Ыалдьыбыт дьон бары балыыһаҕа киллэриллибиттэр. Билигин кинилэри кытары хантаактаахтары булуу үлэтэ ыытыллар.
Оттон үтүөрбүт 12 киһи балыыһаттан тахсыбыттар. Балартан 5 киһи — Дьокуускай куораттан (олортон үһэ Чайыҥдатааҕы ньиэп уонна гаас хостуур сиртэн), 2 киһи Нерюнгрига, биирдии киһи Алдаҥҥа уонна Ленскэйгэ.
Аҕыс киһи ыарахан туруктаах. Алта киһи Дьокуускайга, 2 киһи Мииринэйгэ.
Саха сиригэр уопсайа 510 киһи коронавирустаабыта бэлиэтэнэр. Итинтэн үтүөрбүтэ — 81 киһи. Түөрт киһи өлбүт.
Сууккаҕа өрөспүүбүлүкэ үрдүнэн коронавируска 3709 тест оҥоһуллубут, обсерватордарга 594 киһи сытар.
Егор Карпов, «Саха сирэ», edersaas.ru
+1
+1
+1
+1
+1
+1
+1