Саха сиригэр сэттэ салгын суудуната ойуур баһаарын умуруорууга үлэлиир

Ааптар: 
Бөлөххө киир:

Бүгүн, атырдьах ыйын 12 күнүгэр, СӨ Экологияҕа миниистирэ Сахамин Афанасьев брифиҥҥэ иһитиннэрбитинэн, ойуур баһаардарын умуруорууга сэттэ салгын суудуната үлэлиир. Бэҕэһээ Намҥа уонна Хаҥаласка Ми-8 бөртөлүөт көппүтэ. Бе-200 сөмөлүөт Ньурба Сайылыгар уонна Арыылааҕар тахсыбыт баһаардарга үлэлээбитэ. Өссө биир бөртөлүөт Чурапчы Туора-Күөлүн таһыгар баар баһаарга, Ил-76 борт Үөһээ Бүлүүгэ уу куппуттара. 

Бүгүҥҥү күҥҥэ өрөспүүбүлүкэҕэ 168 баһаар баарыттан, 63-үн умуруорууга үлэ ыытыллар. Сэттэ баһаар бохсулунна, 13 умуруорулунна, 9 күөдьүйдэ диэн Сахамин Миланович иһитиннэрэр.

Өрөспүүбүлүкэтээҕи Суһал ыстаап анал хонтуруолугар 14 нэһилиэнньэлээх пуун баар: Нам улууһун Өргөлөөҕө, Харыйалааҕа, Таатта Ытык-Күөлэ, Горнай Бэс-Күөлэ, Уус Алдан Кыыллаайыта, Бээрийэтэ, Үөһээ Бүлүү Кырыкыйа, Хомустааҕа, Кэбээйи Сииттэтэ, Кальвицата, Сангаара, Томпо Ударнига, Охотский-Перевоз сэлиэнньэлэрэ уонна Чурапчы Мэлдьэхситэ.

+1
0
+1
0
+1
0
+1
0
+1
0
+1
0
+1
0