Майаҕа санитарнай авиация былаһаакката саҥардыллыаҕыттан, алта уон биэс көтүү оҥоһулунна.
«Доруобуйа харыстабыла» национальнай бырайыак иитинэн, Саха сиригэр санитарнай авиацияны сайыннарыы үлэтэ тиһиктээхтик салҕанар. Манна сүрэх-тымыр, искэн ыарыылаахтарга, оҕолорго мэдиссиинэ бастакы көмөтүн оҥорууну сайыннарыы, медик-исписэлиистэри бэлэмнээһин, мэдиссиинэ национальнай кииннэрин уонна медицинскэй туризмы сайыннарыы киирэллэр.
Мэҥэ Хаҥалас оройуоннааҕы киин балыыһатын сиригэр саҥардыллыбыт авиационнай былаһаакка үлэлии турар. «Полярные авиалинии» авиахампаанньа быйыл былаһаакка күрүөтүн оҥорууга, уотунан сигналлыыр, биллэрэр тэрили туруорууга улахан үлэни ыытта. Сыл саҕаланыаҕыттан мантан 65 көтүү оҥоһулунна.
Мэдиссиинэ суһал көмөтүгэр наадыйбыт пациеннары ыраах оройуоннартан анал көмөнү оҥорорго үһүс таһымнаах балыыһаҕа аҕалаллар. Билиҥҥи туругунан санитарнай авиация бөртөлүөттэрэ киин оройуоннар балыыһаларын баазаларыгар: Мииринэйгэ, Орто Халымаҕа, Нерюнгрига, Ньурбаҕа, Баатаҕайга, Тиксиигэ бааллар.
+1
+1
+1
+1
+1
+1
+1