Дьокуускайга бу чааска Ленин аатынан болуоссакка ыраах Великай Устюгтан кэлбит Тымныы Оҕонньор уонна Өймөкөөнтөн — Тымныы Полюһуттан Чысхаан Саҥа Дьыллааҕы харыйа уотун уматтылар. Өрөспүүбүлүкэ сүрүн харыйатын уотун Дьааҥыттан аҕаллылар. Дьааҥыттан кэлбит уоту чөл олох түһэ Дмитрий Горохов Саха сирин ыалдьытыгар — Тымныы Оҕонньорго туттарда.
Харыйа уота умайыан иннинэ, Чысхаан Бүлүү бөлөх улуустарыгар кырачааннары үөрдэ, айаҥҥа турунарын туһунан биллэрдэ. Кини Бүлүүнэн, Үөһээ Бүлүүнэн, Ньурбанан, Сунтаарынан Миирнэйгэ тиийиэхтээх. Ил Дархан дьаһалтатын салайааччы Федор Борисов: «Киэһэ биэс чааска өрөспүүбүлүкэ бары улуустарыгар Саҥа Дьыллааҕы харыйалар уоттара умайыахтара», — диэн биллэрдэ. Саҥа Дьылы көрсүү үөрүүлээх тэрээһинигэр дьыл бэлиэтэ Бөтүүк сыанаҕа тахсан, оҕолору, дьону-сэргэни саҥа үүнэн эрэр 2017 сылынан эҕэрдэлээтэ. Өрөспүүбүлүкэ сүрүн болуоссатыгар харыйа уота умайаатын кытта халлааҥҥа араас өҥнөөх салют уота күлүмнээтэ.
Елена ПОТОЦКАЯ.