Саха сиригэр коронавируһу утары үһүс вакцина кэллэ. Бу туһунан доруобуйа харыстабылыгар кэтээн көрүү федеральнай сулууспатын территориальнай салаатын салайааччыта Евгений Иннокентьев иһитиннэрдэ.
Санатан эттэххэ, коронавируһу утары үһүс вакцина – “КовиВак” олунньу 20 күнүгэр регистрацияламмыта. Москваҕа М.Чумаков Иммунобиологическай эмтэри оҥорор, чинчийэр научнай аатынан кииҥҥэ “инактивированнай» вируска олоҕуран оҥоһуллубута.
Туһааннаах вакцина чинчийиини ааһан, үчүгэйинэн сыаналаммыта. Вакцина толору аата – «Вакцина коронавирусная инактивированная цельновирионная концентрированная очищенная» диэн.
Евгений Иннокентьев иһитиннэрбитинэн, «ГамКовидВак» уонна «ЭпиВакКорона» быһыылартан уратыта диэн, +2°С саҕалаан +8°С кыраадыска диэри ууруллуохтаах.
«КовиВак» быһыыны 18 саастарыттан 60 саастарыгар диэри дьон ылаллар. Эмиэ икки түһүмэҕинэн.
«КовиВак» маркировкаламмытын кэннэ, чугастааҕы кэмҥэ өрөспүүбүлүкэ мэдиссиинискэй тэрилтэлэринэн тарҕатыллыа», – диэн кини эбэн эттэ.
СӨ Ил Дарханын уонна бырабыыталыстыбатын пресс-сулууспата
Хаартыска: https://iz.ru
+1
+1
+1
+1
+1
+1
+1