Айылҕа харыстабыла Сүрүн

Саха сиригэр үс айылҕа баһаара бэлиэтэнэр

РФ ЫБММ Саха сиринээҕи салаатын пресс-сулууспата иһитиннэрэринэн, өрөспүүбүлүкэ сиригэр-уотугар үс айылҕа баһаара 28 га иэннээх сиринэн бэлиэтэммит.

Баһаары умуруорууга Рослесхоз 34 үлэһитэ, 13 көмөлөһөөччү, 8 тиэхиньикэ үлэлиилэр.

Баһаар тахсыбатын туһугар рейдэлиир-ботурууллуур 183 тэрээһин ыытыллыбыт, ол түмүгэр 7 боротокуол толоруллубут, административнай сокуону кэһии туһунан 6 уураах тахсыбыт. Өймөкөөн улууһугар баһаары утары ураты эрэсиим олохтоммут.

— Дьон олорор сирин-уотун харыстыыр туһуттан бары тэрээһиннэр ыытылыннылар, анал балаһалар оҥоһулуннулар, баһаарынай чаастар бэлэмнэр.  Баһаартан куттал суох буоларыгар үлэ ыытылынна, — диир РФ ЫБММ Саха сиринээҕи салаатын салайааччыта Павел Гарин.

«Саха сирэ» хаһыат, edersaas.ru

Хаартыска sakha.gov.ru

0
0
Telegram @edersaas20