Саха сиригэр Донбасс референдумугар анаан 8 пуун үлэлиэҕэ

Бөлөххө киир:

Балаҕан ыйын 19-20 күннэригэр Донецкай уонна Луганскай Народнай Өрөспүүбүлүкэлэр, Запорожье, Херсон уобаластара Арассыыйа састаабыгар киириэхпитин баҕарабыт, манна анаан референдум ыытыахпыт диэн иһитиннэрбиттэрэ. Референдум балаҕан ыйын 23-27 күннэригэр ыытыллыаҕа.

Саха сиринээҕи быыбар киин хамыыһыйата иһитиннэрбитинэн, референдум ыытыллыахтаах сирдэриттэн кэлбит дьоҥҥо анаан Арассыыйа куораттарыгар эмиэ быыбардыыр учаастактар аһыллыахтара. Биһиги өрөспүүбүлүкэбитигэр Дьокуускайга, Нерюнгригэ, Мирнэйгэ барыта аҕыс пууну арыйыахтара. Быыбар киин хамыыһыйата бэйэтин боломуочуйатынан уонна РФ быыбарын хамыыһыйата норуоттар икки ардыларынааҕы дуогабарынан Саха сиригэр олорор дьоҥҥо анаан референдуму ыытыыга көмөлөһүөҕэ. Референдумҥа сүрүн куоластааһын балаҕан ыйын 27 күнүгэр буолуоҕа.

Аграфена КУЗЬМИНА

+1
0
+1
0
+1
0
+1
0
+1
0
+1
0
+1
0