Саха сиригэр үөрэҕирии миниистирин солбуйааччы Павел Зенькович кэллэ

Бүгүн, атырдьах ыйын 22 күнүгэр үөрэх үлэһиттэрин атырдьах ыйынааҕы үгэс буолбут мунньахтара саҕаланар. Онно түбэһиннэрэн дойду үөрэҕириитин миниистирин солбуйааччы, статс-сэкирэтээр Павел Зенькович Дьокуускайга кэллэ. 

Зенькович «Бэс Чагда» оҕо киинигэр сылдьыаҕа уонна үрдүк үөрэх кыһаларын ректордарын мунньаҕар кыттыаҕа. Статс-сэкирэтээри Саха сиригэр үөрэх уонна наука миниистирэ Владимир Егоров уонна кинини солбуйааччы Юрий Семенов көрүстүлэр.