Саха сиригэр “Открытие” баан көмөтө

Ааптар: 
Бөлөххө киир:

Саха сирин олохтоохторо манна икки сыллааҕыта үлэтин саҕалаабыт “Открытие”  баан туһунан истэр-билэр буоллулар, ону ааһан баан өҥөтүнэн хамаҕатык туһанан эрэллэр.

Бу күннэргэ “Открытие” баан бэрэсидьиэнэ-бырабылыанньатын бэрэссэдээтэлэ Михаил Задорнов өрөспүүбүлүкэҕэ кэлэн, өрөспүүбүлүкэ салалтатын, биисинэс уопсастыбатын кытта көрүстэ.

Биллэрин курдук, “Открытие” баан Арассыыйаҕа уон бастыҥ баан иһигэр киирэр. Бу баан классическай универсальнай баан быһыытынан биисинэс бары хайысхаларын тэҥинэн сайыннарар: корпоративнай, инвестиционнай, дьоҕус уонна орто биисинэһи уо.д.а. Баан дочернэй хампаанньалара: “Росгосстрах” уонна “Росгосстрах Жизнь” страховкалыыр хампаанньалар, “Балтийский лизинг” АУо, “Таможенная карта” АУо уо.д.а  үп ырыынагар эмиэ оруоллара улахан. Баан бигэ кыахтаах буолуутун Арассыыйа рейтини таһаарар агентстволара бигэргэтэллэр.

Суруналыыстары кытта көрсүһүүгэ бырабылыанньа бэрэссэдээтэлэ Михаил Задорнов тустаах баан үлэтин-хамнаһын, инники былаанын билиһиннэрдэ.  Баан өрөспүүбүлүкэ салалтатын кытта ыкса үлэлиирин кини кэпсээнэ итэҕэттэ. Сүрүн болҕомто баан Саха сиринээҕи салаатыгар уурулунна.

9 ыйдаах үлэ түмүгэр тохтууругар кини Саха сиринээҕи салааҕа юридическай сирэйдэр кирэдьиит ылыылара 45 % улаатан, 2,1 млрд солк. тэҥнэспитин бэлиэтээтэ. Дьокуускай куорат муниципальнай бүддьүөтүгэр көмөлөспүт. Баан олорор дьиэ-уот бырайыагын үбүлээһиҥҥэ үлэлиирэ кэрэхсэбиллээх. Ол курдук, ону өрөспүүбүлүкэ биллэр тутааччылара “Сэттэ” ГК, ДСК АУо эҥин бу баан килийиэннэринэн буолбуттара туоһулуур. Быһата, баан олорор дьиэни-уоту тутууну үбүлээччи диэххэ сөп. Энергетиктэри кытта эмиэ кэккэ бырайыактары торумнаабыттар. Ол курдук, хоту дойдуга бөһүөлэктэри хааччыйыыга күн күүһүнэн үлэлиир гибриднэй станциялары тутуу курдуктары.

“Былаан быһыытынан кэлэр өттүгэр үөрэхтээһин, доруобуйа харыстабылын, социальнай эйгэ эрэгийиэннээҕи бырайыактарын тутууну үбүлээһиҥҥэ кыттыахпыт. Маныаха эрэгийиэн уонна муниципальнай бүддьүөттэри, дьоҕус уонна орто биисинэс хампаанньаларын үбүнэн өйүөхпүт”, — диэн бэлиэтээтэ Михаил Задорнов.

Социальнай инфраструктура сайдыытыгар эмиэ үлэлэһэллэр. Новаторскай көрүҥнээх лааҕырынан буолуоҕа диэн ааттанан эрэр “Полярная звезда” сылы эргиччи үлэлиир чэбдигирдэр лааҕыры тутууга  эмиэ “Открытие” быһаччы кыттыаҕа.  Онон бу сырыытын кэмигэр баан бэрэсидьиэнэ онно миэстэтигэр сылдьан көрөр-истэр  былааннаах.

Баан Саха сиринээҕи салаатын салайааччыта Максим Федоров бэлиэтииринэн, манна 2,6 тыһыынча Саха сирин олохтооҕо , 500 тыһ. тахса дьоҕус уонна орто биисинэс баан өҥөтүнэн туһанар кыахтаммыт. Биирдиилээн дьон, олохтоохтор бу 9 ый түмүгүнэн  0,5 млрд солк. кирэдьиити ылбыттар.

Цифровой сайдыыны кытта “Открытие” тэҥҥэ хардыылыыр. Хас икки нэдиэлэ аайы саҥардыы ыытыллар.

Онон “Открытие” аана Саха сирин дьонугар-сэргэтигэр, сайдар кэскиллээх тэрилтэлэригэр аһаҕас.

Женни Стрюкова

Хаартыска: “Сахамедиа» пресс-киинэ тиксэрдэ

+1
0
+1
0
+1
0
+1
0
+1
0
+1
0
+1
0