Сотору кэминэн Саха сиригэр оскуолаҕа анаан саҥа оптуобустары уонна суһал көмө массыыналарын аҕалыахтара. Регионнарга тарҕатыы туһунан дьаһалы Бырабыыталыстыба бэрэссэдээтэлэ Дмитрий Медведев балаҕан ыйын 5 күнүгэр таһаарбыт.
42 оскуола оптуобуһуттан 24-дэ 10-12 миэстэлээх, 3 — 13-20 миэстэлээх, 15 — 21-24 миэстэлээх буолуоҕа. Тиэхиньикэ барыта Ульяновскайдааҕы массыына собуотугар, Павловскайдааҕы оптуобус собуотугар, уонна «Форд Соллерс Холдинг», КАВЗ, «ВОЛГАБАС» хампаанньаларга оҥоһуллубут.
Дойду үрдүнэн уопсайа 895 суһал көмө массыыната уонна 1327 оскуола оптуобуһа тарҕаныаҕа.
Ил Дархан уонна бырабыыталыстыба пресс-сулууспата.
+1
+1
+1
+1
+1
+1
+1