Саха сиригэр оҥоһуллубут кыраасканы өрөспүүбүлүкэ таһыгар эмиэ таһаараллар (ВИДЕО)
Өрөспүүбүлүкэ олохтоохторо аныгы технологиянан салгыны аһардыбат, түүнүктэн, микробтан харыстыыр, анал патеннарынан уонна сертификаттарынан бигэргэммит кыраасканы уонна лааҕы оҥорор «Бигэ» ХЭУо-ну үчүгэйдик билбиттэрэ чуолкай.
Хампаанньа Саха сиригэр эрэ буолбакка, Уһук Илиҥҥи уокурук үрдүнэн кыраасканы оҥоруунан дьарыктанар суос-соҕотох тэрилтэнэн буолар. Арҕаа дойдулар куомуннаһыыларыттан тахсар сааҥсыйалар бу салааҕа дьайдылар дуо диэн ыйытыы нэһилиэнньэни үүйэ-хаайа тутан эрэр буолуохтаах. Тоҕо диэтэххэ, чааһынай дьиэни туттуу, даачаны сөргүтүү сезона саҕаланан кырааскаҕа наадыйыы элбээн эрэр.
“Бигэ” хампаанньа билиҥҥи туругунан Саха сирин тустаах ырыынагыттан, ортотунан, 35 %-нын хааччыйар. Сылга 400 туонна анал бородууксуйаны оҥороруттан 100-һэ атын эрэгийиэннэргэ атыыланар. Быйылгы сезоҥҥа сыана хайдах буолар туруктааҕын “Бигэ” ХЭУо генеральнай дириэктэрэ Андрей Неустроев сиһилии билиһиннэрбитин билсэргитигэр сүбэлиибит.
«Бигэ» хампаанньа тиит хатырыгыттан кыраасканы оҥорон атыылаабыта ыраатта. Хампаанньа эрэгийиэннээҕи дириэктэрэ Александра Бояринова иһитиннэрбитинэн, ордук маска аналлаах кырааскалары оҥорууга болҕомтону уурбуттар. Ол курдук, түргэнник куурар муоста эмалын, лааҕын оҥорбуттар. Ол туһунан сиһилии кэпсээбитинр видео-устууга көрөргүтүгэр сүбэлиибит.
Бэлэмнээтилэр Анивера Акимова, Александр Тарасов.