Саха сиригэр Наука Аччыгый академиятын саҥа үөрэнэр куорпуһа тутуллар

Бүгүн Хаҥалас улууһун Өктөм сэлиэнньэтигэр 100 миэстэлээх  интэринээттээх 150 миэстэлээх  Наука Аччыгый академиятын – Өлүөнэтээҕи кыраай  саҥа үөрэнэр куорпуһун тутууга сүбэ мунньах ыытыллыаҕа.

Манна үөрэх тиһигэр саҥа технологиялары сайыннарар эйгэ олохтонуоҕа: медиалаборатория блога – видеостудия, тыаһы устар студия, анимационнай студия, web-бырайыактааһын гейм-студията; аан дойдутааҕы ирдэбиллэргэ сөп түбэһэр наука лабораториялара:  криоландшафтнай моделлааһын, криолитозона геофизиката, молекулярной палеонтология, арктикатааҕы  матырыйаалы үөрэтии; аэрокосмической инженерия, робототехника уонна  искусственнай өй-санаа.

Үлэҕэ ХИФУ, научнай институттар сотрудниктара, оҥорон таһаарааччылар уонна лаборатория тэриллэринэн хааччыйааччылар тардылыннылар. Эбийиэккэ 62 киһи үлэлиир, анал тиэхиньикэ туһаныллар. Үөрэх куорпуһун уонна инженернэй блок сыбаайатын атаҕын түһэрдилэр. Наука Аччыгый академията эбии үөрэхтээһиҥҥэ моделлары саҥардыыга пилотнай бырайыагынан уонна Арассыыйа Федерациятыгар үөрэнээччилэргэ научнай-үөрэтэр кииннэр Бүтүн Арассыыйатааҕы тиһиктэрин тэрийиигэ тирэҕинэн буолуоҕа.

СӨ Ил Дарханын уонна Бырабыыталыстыбатын пресс-сулууспата бэлиэтииринэн, “Саха Өрөспүүбүлүкэтигэр үөрэхтээһини сайынарыы стратегическай хайысхаларын туһунан” Айсен Николаев Ыйааҕар олоҕуран 2024 сылга 10 тыһыынчаттан кырата суох ахсааннаах талааннаах ыччаты уонна үөрэнээччилэри кытта үлэлииргэ норуоттар икки ардыларынааҕы таһымнаах научнай-үөрэтэр киини тэрийэр сорук туруоруллубута.

Оҕолорго уонна ыччакка кыахтарын уонна талааннарын өйүүргэ, арыйарга көдьүүстээх тиһиги тэрийии Арассыыйа бэрэсидьиэнэ Владимир Путин “Үөрэхтээһин” национальнай бырайыага бэрэсидьиэн бэлиитикэтин сүрүн бырайыактарыттан биирдэстэрэ буолар.

СИА

Андрей Сорокин хаартыскаҕа түһэриитэ