Саха сиригэр үлэтэ суохтар ахсааннарын аҕыйатары былаанныыллар

Ил Дархан Айсен Николаев нэһилиэнньэ дьарыктаах буолуутун уонна үлэ ырыынагын тула боппуруостары РФ Бырабыыталыстыбатын бэрэссэдээтэлин солбуйааччы Татьяна Голикованы кытта кэпсэттэ.

Ил Дархан Айсен Николаев санаатын үллэһиннэ:

— Ааспыт сылга биһиэхэ үлэтэ суох дьон ахсаана 7,7 % тиийэ үрдээбитэ. Онтон сыыйа намтаабыта. Табыллар буоллаҕына, 6,5 бырыһыаҥҥа тиийэ намтатыахпытын наада, —  диэтэ.

«Олохтоох каадыры — бырамыысалыннаска» диэн эрэгийиэннээҕи бырайыак чэрчитинэн 8758 киһи үлэнэн хааччыллыбыт. 2020 сылтан тутуу, уот-күөс, тырааныспар хайысхаларыгар, суол хаһаайыстыбатыгар нэһилиэнньэ дьарыктаах буолуутун киинэ 18481 киһиэхэ үлэ буларга  көмөлөспүт.

Ульяна Захарова.