Саха сиригэр «Крымская весна» бэстибээл ыытыллар

Ааптар: 
Бөлөххө киир:

Кулун тутар 18 күнүгэр Крым Арассыыйа састаабыгар киирбитэ ахсыс сылын бэлиэтиэхпит. Бу бэлиэ күҥҥэ анаан уонна Донецкай, Луганскай норуодунай өрөспүүбүлүкэлэр олохтоохторун өйүүр сыалтан Саха сиригэр «Крымская весна» диэн бары улуустар кыттыылаах киэҥ бырагыраамалаах бэстибээл ыытыллыаҕа. 

Бу күннэргэ үөрүүлээх тэрээһиннэр, араас аахсыйалар, хаартысканан быыстапкалар, «Мы вместе!», «Z с флагами», «Служу России» флешмобтар, челленджтэр, куонкурустар, эрдээх буолуу уруоктара ыытыллыахтара.

Үөрэнээччилэр, ыччат уонна актыбыыстар социальнай ситимнэргэ флешмобтарга кыттыахтара. Оттон өрөспүүбүлүкэ бары болуоссаттарыгар ыччат Арассыыйа былааҕынан Z буукубанан кэчигириэҕэ, массыыналарга наклейкалары сыбыахтара.

Дьокуускайга уонна оройуоннарга «Крым и Россия – единая судьба» диэн кинигэ быыстапката буола турар.

Кулун тутар 17 күнүгэр Ем.Ярославскай аатынан мусуойга Дьокуускайдааҕы педагогическай кэллиэс устудьуоннарыгар анаан «Якутский полк в Крымской войне» диэн лиэксийэни ааҕыахтара. Оттон Национальнай художественнай мусуой «По морям, по волнам» диэн интэриэһинэй бырагырааманы бэлэмнии сылдьар.

Кулун тутар 18 күнүгэр оройуоннарга уонна куораттарга Арассыыйа уонна Саха сирин былааҕын тутан автопробег буолуоҕа.

Кыайыы болуоссатыгар Севастополь куорат өйдөбүнньүк билиитэтигэр сибэкки ууруохтара, Комсомольскай болуоссакка митиин-кэнсиэр ыытыллыаҕа. Бу күн «Арассыыйа — мин устуоруйам» мусуой комплексыгар «Крым-Саха сирэ» телемост оҥоруохтара, «Бастионы России. Судак» уонна «Бастионы России. Керчь» документальнай киинэлэри көрдөрүөхтэрэ.

Ойуунускай аатынан мусуойга «Якутяне в освобождении Крыма в годы Великой Отечественной войны 1941 — 1945 годов» лиэксийэни ааҕыахтара. Итиэннэ манна «Юрий Кузнецов: Взгляд с востока» киинэ ааптардарын кытта көрсүһүү буолуоҕа.

@yakutmuseum «Телеграм»-ханаалга Арассыыйаҕа Крым киирбитин туһунан викторина ыытыллыаҕа.

Маны сэргэ «Арассыыйа — мин устуоруйам» мусуой комплексыгар «Крым в истории России», Национальнай художественнай мусуойга «История одной картины: Иван Константинович Айвазовский. Героиня Боболина…» диэн тиэмэлээх экскурсияларга ыҥыраллар.

Ил Дархан уонна Бырабыыталыстыба дьаһалтатын пресс-сулууспата.

+1
0
+1
0
+1
0
+1
0
+1
0
+1
0
+1
0