Саха сиригэр космонавтика уонна авиация соҕотох түмэлэ

Ааптар: 
Бөлөххө киир:

Саха сиригэр космонавтика уонна авиация соҕотох түмэлэ Уус Алдан улууһун Дүпсүн сэлиэнньэтигэр баар.

edersaas.ru

Түмэл тэриллиитин устуоруйатыттан сэгэтэн аастахха маннык. РСФСР үөрэҕириитин туйгуна, Саха АССР оскуолаларын үтүөлээх учуутала, Уус Алдан улууһун, Дүпсүн нэһилиэгин бочуоттаах олохтооҕо, география учуутала Иван Данилович Жирков  1972 сыллаахха ракетомоделирование куруһуогун тэрийэр. Куруһуоктан оҕолор айар дьоҕурдара арыллан барар. Куруһуок үлэтигэр Өрөспүүбүлүкэтээҕи эдэр тиэхиньиктэр ыстаансыйалара сүҥкэн көмөнү оҥорор. Салгыы Иван Данилович араас матырыйаалларынан, экспонаттарынан хаҥатар, мааркалары, значоктары атыылаһар, космонавтика атын түмэллэрин, ракетнай тиэхиньикэ бэтэрээннэрин кытта сибээһи олохтуур. 1974 сыллаахха өрөспүүбүлүкэҕэ бастакы Космонавтика мусуойун тэрийэргэ сананар. Күн бүгүн 7000 кэриҥэ экспонаттаах, 25 бастан турар диэн түмэл үлэһиттэрэ чопчулууллар. Манна бастакы аэроплан көтүүтүттэн саҕалаан, Ю.А. Гагарин олоҕун, космоска бастакы көтүүгэ, аныгы кэмҥэ тиийэ кэпсиир.

Саха сирин космонавтика уонна авиация соҕотох түмэлигэр Арассыыйа дьоруойа, “Союз ТМА-15” космическай хараабылын хамандыыра Роман Юрьевич Романенко,  Арассыыйа дьоруойа, лүөччүк-космонавт Олег Дмитриевич Кононенко дьиэ кэргэнинээн кэлэ сылдьыбыттарын киэн тутта кэпсииллэр.

Дүпсүн оскуолата, улуус, өрөспүүбүлүкэ саамай киэн туттуута – космонавтика уонна авиация түмэлэ ыччаты патриотическай тыыҥҥа, уопсастыбаннай үлэҕэ көҕүлүүрүн бэлиэтиэххэ сөп. Дүпсүн үөрэнээччилэрэ Бүтүн Арассыыйатааҕы тэрээһиннэргэ, ааҕыыларга, научнай-практическай кэмпириэнсийэлэргэ тиийэ кыттан бастыыллар, миэстэлэһэллэр.

Космонавтика уонна авиация түмэлигэр туох сэдэх экспонаттар баалларын Дүпсүн оскуолатын үөрэнээччитэ кэпсиир видеоттан көрүҥ.

+1
0
+1
0
+1
0
+1
0
+1
0
+1
0
+1
0