Доруобуйа Сүрүн

Саха сиригэр коронавируска бэлэмнээх буолуу эрэсиимэ уонна хааччахтыыр миэрэлэр кулун тутарга диэри уһаатылар

Коронавирус ыарыытынан санитарнай-эпидемиологическай балаһыанньаны учуоттаан, COVID-19 салгыы тарҕаныытыгар бэлэмнээх буолуу эрэсиимэ уонна хааччахтыыр миэрэлэр 2022 сыл кулун тутар 1 күнүгэр диэри уһаатылар. Туһааннаах ыйаахха Ил Дархан бүгүн илии баттаата.

edersaas.ru

Тохсунньу 12 күнүгэр Дьокуускайга биир киһи коронавирус омикрон штаммынан ыалдьыбытын булбуттара.  Тохсунньу 14 күнүнээҕи туругунан 210 киһи эбии ыалдьыбыта биллибитэ, итинтэн 150 киһи — Дьокуускай куоракка. Эпидемиологическай балаһыанньаны учуоттаан, сарсыҥҥыттан, 2022 сыл тохсунньу 15 күнүттэн, Дьокуускай куоракка баар атыылыыр-аралдьытар, атыы-эргиэн кииннэргэ, атыы комплекстарыгар  сокуоннай саастарын туолбуттартан бахсыына ылыбыттарын эбэтэр ыалдьыбыттарын туоһулуур куйаар куоду, эбэтэр мэдиссиинэ көрүүтүнэн быһыы ылаллара көҥүллэммэт дьон ыалдьыбат (отрицательнай) диэн түмүктээх ПЦР-анаалыһы ирдээһин хаттаан киирэр.

Онтон атын муниципальнай тэриллиилэргэ атыы дьиэлэригэр киирэргэ куйаар куоду улуустааҕы суһал ыстаап быһаарыытынан эпидемиологическай балаһыанньаттан көрөн киллэриэхтэрин сөп.

Уопсастыбаннай аһатар сирдэр, ол иһигэр банкеттыыр саалалар сарсыарда 6 чаастан түүн 12 чааска диэри үлэлиир эрэсиимнэрэ ыйыллар.

Ыйаахха этиллэринэн, Саха сирин тас өттүгэр сылдьыбыт дьон (хас күн сылдьыбыттарыттан тутулуга суох) уоппускаттан эбэтэр сынньалаҥ күннэриттэн үлэҕэ тахсалларыгар ыалдьыбаттарын туоһулуур (72 чаастан уһаабатах буолуохтаах) ПЦР эбэтэр ИХА-тестын көрдөрөллөрө ирдэнэр. Бу кэлиҥҥи 6 ый иһигэр бахсыына ылбыт эбэтэр ыалдьыбыт дьонтон эмиэ ирдэнэр.

Тас дойдуттан кэлбит коронавируһунан ыалдьыбыт киһини кытта хантаахтаспыт дьон 14 күн устата дьиэҕэ олоруу эрэсиимин тутуһуохтаахтар. Бу кэлиҥҥи 6 ыйга бахсыына ылбыт эбэтэр ыалдьыбыт дьоҥҥо эмиэ сыһыаннаах.

Үлэлиир дьон (состоящие в трудовых отношениях) үлэ биэрээччини дьиэҕэ олороллорун туһунан сэрэтиэхтээхтэр, оттон үлэ биэрээччи үлэлэрин эбээһинэһин тэйиччиттэн олорон толороллорун курдук, дьиэҕэ олоруу эрэсиимин хааччыйыахтаах. Оттон тэйиччиттэн үлэлиир кыаллыбат түгэнигэр, үлэһиккэ сыллата көрүллэр төлөнөр уоппуска эбэтэр үлэ сокуонугар сөп түбэһиннэрэн икки өттүттэн сөбүлэһэн, төлөммөт уоппуска бэриллиэхтээх.

Ил Дархан ыйаахха уларытыылары киллэриитин туһунан сиһилии манна ааҕыаххытын сөп.

 

 

СӨ Ил Дарханын уонна СӨ Бырабыыталыстыбатын пресс-сулууспата.

 

1
1
Telegram @edersaas20