Алтынны 20-21 күннэригэр Ил Түмэн пленарнай мунньаҕа буола турар. Дьокутааттар «СӨ киин куоратын статуһун туһунан» сокуон бырайыагын бүтэһик ааҕыыга ылыннылар. Сокуон барыла Ил Дархан Айсен Николаев көҕүлээһининэн көрүлүннэ.
Саҥа сокуон «Дьокуускай куорат» уокуругун салалтатыгар олохтоох бэйэни салайыныы чэрчитинэн, саҥа боломуочуйалар эбиллэн биэрдилэр. Бу иннинэ тустаах боломуочуйалар өрөспүүбүлүкэ салалтатын уорганнарыгар эрэ баара. Икки өрүттэр хардарыта үлэлииллэригэр, ол эбэтэр судаарыстыбаннай былаас уорганнара «Дьокуускай куорат» уокуругун олохтоох бэйэни салайынар уорганын кытта бииргэ үлэлииргэ Сөбүлэһиини түһэрсэргэ боломуочуйалыыр.
Итинтэн сиэттэриллэн, олохтоох бэйэни салайыныы уорганнарыгар куорат инфраструктуратын сайыннарыыга, архитектураны, тутууну, түөлбэлэри тупсарыыга, куоракка куттал суоһаабатын хааччыйыыга уонна экология боппуруостарын быһаарыыга аналлаах боломуочуйа саҥа пуормата киирдэ. Ону тэҥэ, сокуон бырайыагар киин куорат үлэтин хайысхатын үбүнэн хааччыйыы нуормалара эмиэ баар. Бэрт сотору СӨ Бырабыыталыстыбатыгар куорат салалтатын кытта Дьокуускай сайдыытын боппуруостарыгар мунньах буолуоҕа.