Тохсунньу 18 күнүнээҕи иһитиннэриинэн, кэнники хонукка эбии 313 киһи коронавирустаабыта быһаарыллыбыт.
Бу туһунан иһитиннэрэригэр, СӨ Бырабыыталыстыбатын бэрэссэдээтэлин солбуйааччы, коронавируһу бохсууга үлэлэһэр өрөспүүбүлүкэтээҕи суһал ыстаап салайааччытын солбуйааччы Ольга Балабкина Роспотребнадзор Саха сиринээҕи управлениетыгар сигэнэр.
Дьокуускайга 257 киһи ыалдьыбыта бэлиэтэнэр. Хаҥаласка – 24, Алдан уонна Мэҥэ Хаҥалас оройуоннарыгар — 9-туу, Мииринэйгэ – 7, Горнайга – 4, Нерюнгригэ, Тааттаҕа уонна Уус Алдаҥҥа биирдии киһи ыалдьыбыта бэлиэтэнэр.
Өрөспүүбүлүкэ лабораторияларыгар биир хонук иһигэр 1828 анаалыс, пандемия саҕаланыаҕыттан 1 844 146 тест бэрэбиэркэлэммит.
+1
+1
+1
+1
+1
+1
+1