Саха сиригэр күргүөм иммунитеттаныы былаана 79,49 % туолбут

Саха сиригэр күргүөм иммунитеттаныы былаана 79,49 %  тиийбитин туһунан ТАСС иһитиннэрдэ.  Саҥа штаммнар олус сэрэхтээхтэрэ биллэр. Онон төһө кыалларынан,  анал быһыыны ыларга, оттон ылбыттар ревакцинацияны ааһалларыгар сүбэлииллэр.

Бэҕэһээҥҥиттэн, алтынньы 20  күнүттэн,  уопсастыбаннай сиргэ-уокка быһыыны ылбыты туоһулуур QR-кодтаах дьону эрэ киллэрэр буолбуттара.  Алтынньы 25 күнүттэн өрөспүүбүлүкэҕэ эти-хааны дьэбдигирдэр, эрчийэр анал саалаларга,  бассейннарга,  уопсайынан успуорт саалаларыгар, QR-код систиэмэтэ баар буолуоҕа. Салгыы маннык систиэмэ рестораннарга, кафеларга, остолобуойдарга уонна банкет саалаларыгар сэтинньи 1 күнүттэн киирэрэ күүтүллэр.