Маны аах Тыа хаһаайыстыбата

Саха сиригэр хортуоппуйу хомуйуу былаана 82 % туолла

Саха сиригэр күһүҥҥү  хомуур үлэтэ хайдах ыытылларый?

Бу туһунан Саха сирин Тыатын хаһаайыстыбатын  министиэристибэтин үүнээйигэ, мелиорацияҕа департаменын салайааччыта Вячеслав Гаврильев өрөспүүбүлүкэҕэ сүөһү аһылыгын бэлэмнээһин хампаанньатын хаамыытыгар анаммыт брифиҥҥэ иһитиннэрдэ.

Кини этэринэн, Саха сирин бары көрүҥнээх хаһаайыстыбаларыгар балаҕан ыйын 22 күнүнээҕи туругунан ыһыллыбыт иэнтэн хортуоппуй 82 бырыһыана хомуллубут эбэтэр ааспыт сыл бу кэмигэр  113 % тэҥнэһэр.

Аһаҕас уонна сабыылаах груҥҥа үүннэриллэр оҕуруот аһыгар бу көрдөрүү —  61%.

Бүгүн ардахтан сылтаан туорахтаах бурдугу хомуйуу тэтимэ бытаан. Ол курдук, 1161 гектартан сэлиэһинэйи, 928 гектартан ньэчимиэни, 3446 гектартан эбиэһи хомуйдулар.

Санатан эттэххэ, эрэгийиэн үрдүнэн ыһыы уопсай иэнэ 48,5 тыһ. га, итинтэн бурдук – 10932 га, хортуоппуй – 6711 га, аһаҕас груҥҥа үүннэриллэр оҕуруот аһа – 1391 га уонна сүөһү аһылыга буолар култуура – 29,4 тыһ. га.

 

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата

Бэлэмнээтэ Женни Стрюкова

Хаартыска: тустаах саайтан

0
0
Telegram Whatsapp