Саха сиригэр хааччахтыыр миэрэлэр муус устар 30 күнүгэр диэри уһатылыннылар
Бүгүн, кулун тутар 31 күнүгэр, СӨ Бырабыыталыстыбатын бэрэссэдээтэлин солбуйааччы Ольга Балабкина коронавирус балаһыанньатын туһунан брифиҥҥэ кэпсээтэ.
— Бүтэһик сууккаҕа Саха сиригэр 27 киһи коронавируска сутуллубута билиннэ: Дьокуускайга — 17 киһи, Аллайыахаҕа — 4 киһи, Горнайга, Мииринэйгэ, Нерюнгригэ, Сунтаарга, Тааттаҕа, Уус Алдаҥҥа — 1-дии киһи ыалдьыбыт.
Суукка иһигэр лабораториялар 1494 анаалыһы, пандемия саҕаланыаҕыттан 1 008 856 анаалыһы чинчийдилэр.
Аллайыахаҕа 4 киһи ыалдьыбытын болҕомтоҕо ыллыбыт. Улуустарга ыарыыны кэлии дьон аҕалар, мантан кэлэктиибинэн, дьиэ кэргэнинэн сутуллуу барар.
Ил Дархан былырыын баччаларга таһаарбыт хааччахтыыр миэрэлэрин туһунан ыйаах муус устар 30 күнүгэр диэри уһаата.
edersaas.ru
Хаартыска — yakutia-daily.ru саайтан.