Саха сиригэр хааччахтыыр миэрэлэр балаҕан ыйын 30 күнүгэр диэри уһатылыннылар

Сыстыганнаах дьаҥынан сибээстээн, хааччахтыыр миэрэлэри балаҕан ыйын 30 күнүгэр диэри уһаттылар. Бу туһунан ыйаахха  Ил Дархан Айсен Николаев бүгүн, атырдьах ыйын 30 күнүгэр, илии баттаата.

 Санитарнай-эпидемиологическай балаһыанньа көнүөхтээҕэр буолуох, сыстыганнаах дьаҥҥа сутуллубут киһи ахсаана элбии турарынан сибэстээн,  хааччахтыыр миэрэлэр өссө биир ыйга уһаатылар.

Ыараханнык ыалдьааччы ахсаана күн аайы элбээн иһэр. Бүгүҥҥү күннээҕи туругунан, өрөспүүбүлүкэ үрдүнэн 143 киһи, Дьокуускай куоракка 85 киһи коронавируска сутулунна.

Коронавируһу утары быһыыны оҥоруу көхтөөхтүк ыытыллар. Уопсайа 418 555 доза вакцина кэллэ. Быһыыны 290 тыһыынча киһи толору ылла. Бу туһунан СӨ Бырабыыталыстыбатын уонна Ил Дархан дьаһалтатын пресс-сулууспата иһитиннэрдэ.

Елена ПОТОЦКАЯ, «Саха сирэ» хаһыат.

Хаартыска — СИА.