Бэҕэһээ, муус устар 19 күнүгэр, Ил Дархан Айсен Николаев өрөспүүбүлүкэҕэ коронавирус дьаҥа тарҕамматын туһугар эбии хааччахтааһыннары киллэрэр ыйаахха илии баттаата. Хааччахтааһыннар бүгүн, муус устар 20 күнүттэн, олоххо киирдилэр.
Ол курдук, өрөспүүбүлүкэтээҕи уонна үөрэх эйгэтин тэрээһиннэрэ, кэмпириэнсийэлэр, пуорумнар, култуурунай тэрээһиннэр өрөбүллэргэ уонна бырааһынньык күннэригэр ыытыллаллара бобуллар. Онлайн киэбинэн ыытыллыахтарын сөп. Оттон үлэ күнүгэр ыытыллар тэрээһиннэр суһал ыстаап сөбүлэҥинэн уонна 50 киһиттэн элбэҕэ суох дьон мустара көҥүллэнэр.
Уопсастыбаннай аһыыр сирдэр, ол иһигэр банкеттыыр саалалар бүгүҥүттэн түүҥҥү кэмҥэ үлэлэрин тохтотоллор — 00.00 чаастан 06.00 чааска диэри.
Тыйаатырдарга, киинэ тыйаатрыдарыгар, кэнсиэртиир тэрилтэлэргэ, култуура дьиэлэригэр көрөөччү саалата 50% туолара ирдэнэр.
Ыйааҕы сиһилии манна ааҕыҥ.