Ыам ыйын 24 күнүгэр Дьокуускайга мэдиссиинэ тэриллэрин уонна коронавирус дьаҥын утары охсуһууга аналлаах харыстанар тэрилллэр кэлбиттэрин туһунан СӨ Доруобуйа харыстабылын министиэристибэтин пресс-сулууспата иһитиннэрэр.
edersaas.ru
Сыаналаах таһаҕаһы Приморскайдааҕы эргиэн-производственнай хампаанньата «Доброфлот» бэлэх быһыытынан ыыппыт. Бэриллибит табаар испииһэгэр бааллар: инфекцияттан харыстанарга аналлаах таҥастар, кислород концентратордара, массыына уонна хос иһин дезинфекциялыыр эмп-том, дезинфекцияны ыһар анал тэриллэр уо.д.а.
Ону сэргэ Дьокуускайга Уһук Илин уонна Арктика сайдыытын пуондатыттан FF2 кылаастаах быраастарга аналлаах мэдиссиинискэй харыстыыр көстүүмнэр уонна респиратордар саҥа партиялара кэллилэр.
СӨ доруобуйа харыстабылын министиэристибэтэ «Доброфлот» хампаанньа дириэктэригэр Александр Ефремовка уонна Уһук Илиҥҥи федеральнай уокурукка РФ бэрэсидьиэнин бэрэстэбиитэлигэр Юрий Трутневка улахан махталы биллэрэр.
Егор Карпов, «Саха сирэ» хаһыат, edersaas.ru