Бу соторутааҕыта “Арассыыйа — мин устуоруйам” диэн историческай пааркаҕа “Мой личный дракон” диэн документальнай киинэ сүрэхтэннэ.
Былыр Саха сиригэр динозавр уҥуоҕун тобохторун булбуттара үһү. Биһиги өрөспүүбүлүкэбит мааманнар үөскээбит сирдэрэ буоларынан киэҥник биллэр.
«Мой личный дракон» киинэни оҥорууга үс сыл барбыт. Ол курдук, Сунтаар улууһугар Саха сирин уонна Санкт-Петербург куорат палеонтологическай эспэдииссийэлэрэ кыттыһан көхтөөхтүк үлэлээбиттэр. Кинилэргэ Боннскай университет учуонайа кыттыспыт. Ыам ыйын 26 күнүгэр киинэ сүрэхтэниитэ “Динозавры вечной мерзлоты -2020” диэн чинчийэр бырайыак чэрчитинэн буолла. Манна оскуола оҕолоро, устудьуоннар сырыттылар.
Киинэни көрүү кэнниттэн бырайыак кыттыылаахтарын кытта атах тэпсэн олорон кэпсэтии буолла. Бэлиэтээн эттэххэ, киинэҕэ сылдьыбыт дьон бэркэ кэрэхсээбиттэрЮ Саха сиригэр динозаврдар үөскээн ааспыттарыгар итэҕэйбиттэр.
Ульяна ЗАХАРОВА.