Сэтинньи 19 күнүгэр бырабыыталыстыба мунньаҕар «Саха сирин бырамыысыланнай бэлиитикэтин» сокуонугар уларытыы киллэрэр туһунан кэпсэтии таҕыста. Өрөспүүбүлүкэтээҕи сокуону федеральнай сокуону кытта сөп түбэһиннэрэн оҥоруохтара, итиэннэ бырамыысыланнай технопаарка тэриллиитин, ону үлэлэтиини эбэн биэриэхтэрэ.
edersaas.ru
—Бырамыысыланнай технопаарканы арыйан үлэлэтэргэ федеральнай ирдэбилгэ олоҕуран оҥоруохпут. Бу күннэргэ ханна, хайдах көрүҥнээх технопаарканы аһарбытын быһаарсыахпыт. Барыта үбүлээһинтэн улахан тутулуктаах уонна экономическай сайдыы олуктарыгар улахан болҕомто ууруллуо, — диэн эттэ бырамыысыланнас уонна геология миниистирин бастакы солбуйааччы Антон Рыбкин.
«Саха сирин бырамыысыланнай бэлиитикэтин» сокуонун барылыгар уларытыыны быйыл ылыннахтарына, кэлэр сылтан технопааркалары үлэлэтии саҕаланыа.
Марианна ТЫРТЫКОВА, «Саха сирэ» хаһыат, edersaas.ru
+1
+1
+1
+1
+1
+1
+1