Саха сиригэр — Булчут күнэ

Ааптар: 
Бөлөххө киир:

Ил Дархан Айсен Николаев Булчут күнүнэн эҕэрдэлиир.

Саха сирин ытыктабыллаах олохтоохторо! Булчуттар уонна булт хаһаайыстыбатын үлэһиттэрэ!
Саха Өрөспүүбүлүкэтин салалтатын уонна тус бэйэм ааппыттан Булчут күнүнэн эһигини эҕэрдэлиибин.
Саха сирэ — Арассыыйа аар айылҕатын чиэппэрэ буолар. Былыр үйэттэн аҕалар уолаттарын булт-алт араас албаһыгар эрэ буолбакка, төрөөбүт айылҕаларыгар харыстабыллаах сыһыаҥҥа үөрэтэн-такайан кэллилэр. Бэйэ ииттинэн олороругар сөп буолары ылыы, бу айылҕа суруллубатах сокуона, ону бары тутуһаллара. Үтүө үгэс көлүөнэттэн көлүнэҕэ бэриллэн, салҕанан, тутуһуллан кэллэ.

Бэлиэтээн эттэххэ, бу күннэргэ Арассыыйа Бырабыыталыстыбатын уурааҕынан, хотугу аҕыйах ахсааннаах төрүт олохтоох норуоттарга бултуур-алтыыр сир иэнин төлөбүрүгэр ыстаапка кыччатылынна. Бу бииргэ тиһиктээхтик үлэлэһин түмүгэр ситиһилиннэ. Бу федеральнай таһымҥа бигэргэтиллибит кыччатыллыбыт ыстаапка  үгэс буолбут булду сайыннарыыга тирэх буоларыгар эрэнэбин.

Булчуттар түмсүүлэрин көхтөөх үлэлэрин түмүгэр, дойдуга булт саҥа быраабылаларын оҥорууга, булт болдьоҕор уонна ньыматыгар сыһыаннаах этиилэр киллэриллибиттэрэ. Кэм ирдэбилинэн, бултааһыҥҥа көҥүлү үллэрии ньымата уларытыллыбыта — булка-алка көҥүлү судаарыстыбаннай уонна муниципальнай өҥөлөр порталларын нөҥүө киирэн ылыахха сөп.

Күндү доҕоттор! Бу бэлиэ күн туох-ханнык иннинэ үйэлэри уҥуордаан кэлбит булт үгэһигэр, сиэригэр-туомугар сүгүрүйүүнү көрдөрөр. Ону тэҥэ бу булка-алка сиэрдээхтик сыһыаннаһыыга уонна хотугу сир уйан айылҕатыгар харыстабыллаахтык сыһыаннаһарга төһүү буолар. Бу туһунан умнумуоҕуҥ. Доруобуйаны уонна ситиһиини баҕарабын.

СӨ Ил Дархана Айсен Николаев

+1
0
+1
0
+1
0
+1
0
+1
0
+1
0
+1
0