Саха сиригэр булчут күнүн бэлиэтиэхтэрэ.
Саха сиригэр сыл аайы муус устар бастакы субуотатыгар Булчут күнэ бэлиэтэнэр. Бу бырааһынньыкка анаммыт тэрээһиннэр оройуоннарга ыытылла тураллар. Экологияҕа, айылҕаны туһаныыга уонна ойуур хаһаайыстыбатыгар министиэристибэтэ этэринэн, Булчут күнүн ыытыыны өрөспүүбүлүкэ олохтоохторо олус сэргииллэр. Бу күн төрүт үгэстэри тэнитиигэ, булт култууратын үөскэтиигэ, айылҕаҕа харыстабыллаахтык сыһыаннаһыыга төһүү буолар.
Билигин оройуоннарга “Байанай” XXV өрөспүүбүлүкэтээҕи күрэхтэһиигэ сүүмэрдээһин ыытыллар. Бу түмүгэ Чурапчы улууһугар муус устар 1 уонна 2 күннэригэр тахсыаҕа. Кыттааччылар МЦ 21-12 хомуйууга, ыһыыга, саа араас көрүҥүттэн ытыыга, кутаа уотун оттууга, ойбон алларыытыгар күрэхтэһиэхтэрэ. Маны сэргэ хамаандалар булт тиэмэтигэр, булт уонна булт баайын харыстааһын сокуонун, РФ булка быраабылатын билиилэрин тургутуохтара.
Быйыл булчут ыттар быыстапкалара, “Булчут сэһэнэ” куонкурус ыытыллыаҕа. Бөрөһүтттэргэ сэминээр уонна булчуттарга “Байанай күрэҕэ” тэриллиэҕэ.
Сахагов
Бэлэмнээтэ Женни Стрюкова
Хаартыска: тустаах саайтан