Доруобуйа Маны аах

Саха сиригэр бу ый бүтүүтэ миграннарга уонна тас дойдуттан сылдьар устудьуоннарга анаан COVID-19 быһыы кэлиэҕэ

Миграннарга уонна тас дойдуттан кэлэн үөрэнэ сылдьар устудудьуоннарга вакцина хаһан кэлэрин манна ааҕыҥ. 

Арассыыйаҕа тас дойдулартан сылдьааччыларга быһыыны оҥорууга Доруобуйа харыстабылын министиэристибэтин сөбүлэҥин ылбыт  иккис субъегынан Саха сирэ буолар. Быһыы өрөспүүбүлүкэҕэ ый бүтүүтэ кэлиэҕэ, маны, бастатан туран, тас дойдулартан кэлэн үөрэнэ сылдьар устудьуоннар, онтон – үлэлиир миграннар ылыахтара. Бу туһунан  өрөспүүбүлүкэ Ил Дарханын уонна Бырабыыталыстыбатын дьаһалтатын дьиҥ таһымнаах страницатыгар быһа эфир кэмигэр Instagram ситимигэр вице-премьер Ольга Балабкина эттэ диэн СИА иһитиннэрэр.

“Тустаах дуогабары Сахафармация түһэристэ. Биһиги бу ый бүтүүтэ быһыы кэлэрин күүтэбит уонна хайдах кэлэринэн миграннар ылан барыахтара. Бастатан туран, тас дойдулар устудьуоннарыгар оҥоруохпут”, — диэтэ Ольга Балабкина.

Бу иннинэ үлэлиир миграннарга Москваҕа эрэ быһыыны биэрэллэрэ.

Сахагов

Мария Васильева хаартыската, СИА

Бэлэмнээтэ Женни Стрюкова.

 

0
0