Саха сиригэр Бойобуой дьайыылар бэтэрээннэрин күнэ олохтонно

Ааптар: 
Бөлөххө киир:

Саха сирин Ил Дарханын Айсен Николаев ыйааҕынан өрөспүүбүлүкэҕэ  “Бойобуой дьайыылар бэтэрээннэрин күнэ” олохтонно уонна от ыйын 1 күнүгэр бэлиэтэниэҕэ. Докумуон ахсынньы 9 күнүгэр илии баттанна.

Бырааһынньык бойобуой дьайыыларга, локальнай сэриилэргэ уонна 1945 сыл кэнниттэн ССРС сиригэр-уотугар сэбилэниилээх иирсээннэргэ кыттыбыт Саха Өрөспүүбүлүкэтин олохтоохторун өҥөлөрүн билинэр туһуттан олохтонно.

Саха сиригэр маннык дьиҥ таһымнаах бырааһынньыгы олохтуур туһунан Саха Өрөспүүбүлүкэтигэр Бүтүн Арассыыйатааҕы норуот фронун актыбыыстарын кытта Ил Дархан көрсүһүүтүн кэмигэр Саха Өрөспүүбүлүкэтигэр УоНФ эрэгийиэннээҕи исполкомун норуодунай дьокутаата, Афганистан сэриитин кыттыылааҕа Валерий Лютай туруорсубута.

Быйыл ыам ыйыгар Москваҕа Бойобуой дьайыылар бэтэрээннэрин күнүгэр анаммыт Бэтэрээннэр тэрилтэлэрин сүрүннүүр сэбиэтин тэрийэр бөлөҕүн мунньаҕа буолбута. Сэбиэт кыттыылаахтара дойду бары эрэгийиэннэригэр сыл аайы от ыйын 1 күнүгэр буойун-интернационалистар пааматынньыктарын таһыгар үөрүүлээх тэрээһини ыытарга быһаарбыттара.

Билигин Саха сиригэр 3,5 тыһыынча бойобуой уонна локальнай сэриилэр кыттыылаахтара олорор. Бэтэрээннэр уопсастыбаннай үлэлэргэ көхтөөхтөр.

Саха Өрөспүүбүлүкэтин Ил Дарханын 2021 сыл ахсынньы 9 күнүнээҕи “Бойобуой дьайыылар бэтэрээннэрин күнүн олохтур туһунан” 2179 №-дээх Ыйааҕын кытта билсиҥ.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата

Мария Васильева түһэриитэ

Бэлэмнээтэ Женни Стрюкова

+1
0
+1
0
+1
0
+1
0
+1
0
+1
0
+1
0