Саха сиригэр атыы-эргиэн кииннэригэр «куйаар-куодунан» киириини ирдээбэт буоллулар

Бүгүҥҥүттэн, ахсынньы 23 күнүттэн, Саха сиригэр атыы-эргиэн кииннэригэр «куйаар-куоду» ирдээбэт буоллулар. Бу туһунан ыйаахха Ил Дархан Айсен Николаев илии баттаата.

Өрөспүүбүлүкэҕэ коронавируһунан санитарнай-эпидемиологическай балаһыанньа аматыйбытынан уонна быһыыны ылбыт киһи ахсаана элбэҕинэн, хааччахтыыр миэрэлэри сымнатыыга уларытыылары киллэрдилэр.

Саҥа ыйаахха суруллубутунан, календарнай былааҥҥа киирбит спортивнай тэрээһиннэргэ көрөөччүлэри киллэрэр буоллулар. Маныаха саала аҥаара эрэ туолуохтаах диэн бэлиэтээһин баар.

Итиэннэ уопсастыбаннай аһыыр сирдэр, ол иһигэр банкеттыыр саалалар 01:00 чааска диэри үлэлиэхтэрэ.

Ыйааҕы сиһилии манна ааҕыҥ.