Саха сиригэр доруобуйаларыгар хааччахтаах оҕолорго анаан адаптивнай комплекс тутуллуоҕа. Манна оҕолор социальнай адаптацияны ааһарга анал үөрэҕи барыахтара.
Өрөспүүбүлүкэ уонна «ПроШкола» Илиҥҥи экэнэмиичэскэй пуорум кэмигэр сөбүлэҥ түһэристилэр. Сөбүлэҥи эрэгийиэн экэниэмикэҕэ миниистирэ Майя Данилова уонна «ВЭБ.РФ» биисинэс-блок генеральнай дириэктэрэ Алиса Денисова батттаатылар.
«Тутуу кэлэр сылтан саҕаланыаҕа. Комплекска 550 миэстэлээх оскуола, 200 миэстэлээх оҕо саада, 350 миэстэлээх интэринээт баар буолуоҕа. Комплекс тутулуннаҕына, доруобуйаларыгар хааччахтаах оҕолор тупсаҕай усулуобуйаҕа олорон үөрэнэр кыахтаныахтара», — диэн СӨ Ил Дархана Айсен Николаев этэр.
2021 сыл сайыныгар 1982 сыллаахха Дьокуускайга Сэргэлээхтиир шоссеҕа тутуллубут оскуола-интэринээти көтүрбүттэрэ. Онон төрөппүттэри уонна уопсастыбаннаһы кытта оҕолор инникилэрин санаан туран, саҥа адаптивнай комплексы тутарга быһаарыллыбыта.
Саҥа эбийиэк 2023 сылга тутуллан саҕаланыаҕа уонна 2024 сыл бүтүүтэ түмүктэниэҕэ. Бу сыалга Арассыыйа Үөрэххэ министиэристибэтин бырайыагын иһинэн 1,3 млрд солкуобай федеральнай субсидия көрүллүбүтэ.
Андрей Сорокин хаартыската.