Саха сиригэр ааспыт сууккаҕа 190 киһи коронавирустаабыт

Ааптар: 
28.12.2020
Бөлөххө киир:

Ахсынньы 28 күнүнээҕи туругунан өрөспүүбүлүкэ үрдүнэн 190 киһи коронавирус дьаҥыгар сутулунна. Балартан  84 киһи Дьокуускай куорат олохтоохторо.

Атын улуустарга:

-Нерюнгри оройуона 15 киһи;

-Мэҥэ Хаҥалас уонна Мииринэй оройуоннара 14 киһи;

-Алдан улууһугар 11 киһи;

-Бүлүү улууһугар 8 киһи;

-Уус Алдан улууһугар 6 киһи;

-Амма уонна Таатта улуустарыгар 4-түү киһи;

— Үөһээ Дьааҥы, Эдьигээн, Нам уонна Аллараа Халыма улуустарыгар 3-түү киһи;

-Үөһээ Бүлүү, Кэбээйи, Ленскэй, Өлүөхүмэ, Томпо уонна Уус Маайа улуустарыгар иккилии киһи;

-Анаабыр, Муома, Ньурба, Өймөкөөн, Хаҥалас уонна Чурапчы улуустарыгар биирдии түгэн  бэлиэтэммит.

Сууккаҕа өрөспүүбүлүкэ лабораториялара коронавирус дьаҥыгар  1 554 чинчийи оҥорбуттар.

Хамсык саҕаланыаҕыттан барыта 860 061 тест оҥоһуллубут.

СӨ бырабыыталыстыбатын бэрэссэдээтэлин солбуйааччы Ольга Балабкина күннээҕи брифиҥҥэ Саха сирин олохтоохторун Саҥа дьылы көрсөр бырааһынньыкка куруутун билсэр дьон эргимтэтин улаатыннарбакка, дьиэ кэргэн иһинэн бырааһынньыктыырга ыҥырда:

— Бу сыл устата биһиги үчүгэйдик бары хааччахтары тутуһан кэллибит. Бырааһынньыкка эмиэ ыарыыны тарҕаппат гына туттуоҕуҥ. Дьиэ кэргэн иһигэр ыытыллар Саҥа дьыл бырааһынньыгын көхтөөхтүк көрсүҥ. Атыы тэрилтэлэрэ уһуннук үлэлииллэрэ көҥүллэнэр. Кытаатан дьон аҕыйах кэмин баттааһан бырааһынньык аһын атыылаһа сатаан!

«Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0