Саха сиригэр 84 км уһуннаах гаас утаҕын тардыыга 2,8 млрд. солк. көрүллүөҕэ
Бүлүү улууһун Кыһыл Сыырыттан Кэбээйи Мастааҕар диэри 84 км уһуннаах гаас магистральнай үһүс утаҕын түмүктүүр түһүмэҕин тутууга судаарыстыбаннай хантараак оҥоһулунна. Бу туһунан бүгүн Ил Дархан Айсен Николаев телеграмҥа ханаалыгар иһитиннэрдэ.
Ол курдук онно анаан федеральнай бүддьүөккэ 2,8 млрд солк. көрүллүбүт. Өрөспүүбүлүкэ судаарыстыбаннай бүддьүөтүгэр уонна «Сахатранснефтегаз» инвестиционнай бырагырааматыгар 1,3 млрд солк. көрүллүбүт.
— Бу быһаарыныыны өрөспүүбүлүкэ уонунан сыллар тухары кэтэспитэ. Бу боппуруос премьер-миниистир Михаил Мишустин уонна попред Юрий Трутнев өйөбүллэринэн быһаарылынна. Бу сылга «Сахатранснефтегаз» күүтүүлээх улахан тутууну ыытыыга үлэлиэҕэ. Онон өссө элбэх саҥа дьиэлэр, социальнай тутуулар, промышленнай предприятиелар гааска холбонууларыгар кыах бэриллиэҕэ. Үлэ чугастааҕы кэмҥэ саҕаланан, 2024 сылга түмүктэниэҕэ. Судаарыстыбаннай Дуума дьокутаата Галина Данчикова улахан кылаатын бэлиэтиир хайаан да наадалаах. Кини СӨ бырабыыталыстыбатын кытары федеральнай министиэристибэлэргэ, бидэмистибэлэргэ улахан үлэни ыыппыттара, — диэн Айсен Николаев суруйда.
edersaas.ru