Бүгүн, ыам ыйын 18 күнүгэр, 11:00 чааска Саха сирин Ил Дархана Айсен Николаев эрэгийиэҥҥэ коронавирус балаһыанньатын туһунан брифинг ыытта.
Ил Дархан Айсен Николаев:
—— Бүтэһик сууккаҕа Саха сирин үрдүнэн өссө 41 киһи коронавирус дьаҥыгар сутулунна. Ыарыы саҕаланыаҕыттан 869 киһи ыарыйда.
Дьокуускайга 33 киһи, Алдаҥҥа 2, Мииринэйгэ 3 киһи ыарыйда. Саастаах дьон ыалдьыбыта бэлиэтэммитэ долгутар. Ол курдук, Намҥа 85 саастаах дьахтар ыарыйда. Ыарыы улаханнык тарҕамматын туһуттан үлэни тэрийээччилэр уонна Роспотребнадзор хонтуруоллуохтаахтар.
Өрөбүллэргэ 43 киһи үтүөрэн балыыһаттан таҕыста. 160-ттан тахса киһи тастан эмтэнэр, бу дьоҥҥо ыарыы сибикитэ биллибэккэ ааһар диэххэ сөп.
Балыыһаҕа эмтэнэр дьонтон биэс киһи орто ыарахан туруктаах.
Тэрилтэлэр салайааччылара санитарнай нуормалары тутуһууну күүһүөрдүөхтэрин наада.
edersaas.ru
+1
+1
+1
+1
+1
+1
+1