Саха сиригэр 77 тыһыынчаттан тахса киһи вакцинаны ылла

Ааптар: 
Бөлөххө киир:

Муус устар 4 күнүгэр Саха сиригэр 100 тыһыынча доза кэриҥэ коронавирус утары вакцина кэлбитин туһунан бүгүн брифиҥҥэ СӨ Бырабыыталыстыбатын бэрэссэдээтэлин солбуйааччы Ольга Балабкина иһитиннэрдэ.

Ол вакцинаттан 70%-а бэриллибит.

Бүгүҥҥү күҥҥэ коронавируһу утары вакцинаны 77 072 киһи ылбыта биллэр. Ол иһигэр ааспыт сууккаҕа 2 226 киһи ылбыт. Оттон бастакы, иккис вакцинаны 53 541 киһи ылбыт.

Саха сиригэр ЭпиВакКорона вакцина кэлэн, хамсаналларыгар хааччахтаах дьон дьиэлэригэр вакцинаны ылар кыахтаннылар диэн вице-премьер иһитиннэрдэ.

+1
0
+1
0
+1
0
+1
0
+1
0
+1
0
+1
0