Саха сиригэр 76 тыһыынча киһи грипп утары быһыыны ылбыт...
Олох-дьаһах

Саха сиригэр 76 тыһыынча киһи грипп утары быһыыны ылбыт

Роспотребнадзор Саха сиринээҕи  салалтата иһитиннэрбиттэринэн, бу сыл балаҕан ыйын 14 күнүн туругунан грипп утары профилактика чэрчитинэн прививканы Саха сиригэр 76 тыһыынчаттан тахса киһи ылла. Бүгүҥҥү туругунан 26 тыһыынчаттан тахса улахан дьон, 50 тыһыынча оҕо грипп утары прививканы ылбыт.

edersaas.ru

Грипп ыарыытын утары босхо прививканы ылар бырааптаах дьоҥҥо киирсэллэр:

— 6 ыйдарыттан саҕалаан, атын учуокка турбат оҕолор;

— оҕо уһуйааннарыгар сылдьар оҕолор;

— оскуола оҕолоро 1-11 кылаастартан саҕалаан;

— устудьуоннар;

— медицина, үөрэх, транспорт, коммунальнай эйгэ үлэһиттэрэ;

— социальнай тэрилтэлэр олохтоохторо уонна үлэһиттэрэ;

— хроническай ыарыылардаах дьон;

— 60-тан тахса саастаах дьон;

— хат дьахталлар (2-3 триместр);

— байыаннай сулууспаҕа ыҥырыллар дьон.

Грипп утары вакцинаны олорор сирдэринэн эбэтэр үлэ тэрилтэтэ суруллубут поликлиникаларга ылыахха сөп. Ону тэҥэ үөрэх, үлэ тэриллэригэр прививкалыыр биригээдэлэр үлэлиэхтэрэ.

Саха сиринээҕи Роспотребнадзор управлениета грипптэн прививканы ыларга ыҥырар.

«Грипп утары прививканы туоруоруу балаҕан ыйыттан сэтинньи ыйга диэри ордук тоҕоостоох буолар. Ыарыы туруон иннинэ иммунитет үөскүүрүгэр кэм ирдэнэр. Нэһилиэнньэ ортотугар күргүөм иммунитет үөскээтэҕинэ, ыарыы тэтимэ лаппа намтаан, сутуллар дьон ахсаана аҕыйыыр. Нэһилиэнньэ 90%- на иммунитеттаннаҕына хаалбыт 10 %- нара ыарыыга ылларбат», — диэн Роспотребнадзор иһитиннэрдилэр.

Егор Карпов, «Саха сирэ» хаһыат, edersaas.ru

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

5 + десять =