Саха сиригэр өссө 35 киһи дьаҥҥа сутулунна

Бөлөххө киир:

Бүгүн, ыам ыйын 15 күнүгэр, 11:00 чааска Саха сирин Ил Дархана Айсен Николаев эрэгийиэҥҥэ коронавирус балаһыанньатын туһунан брифинг ыытта.

Ил Дархан Айсен Николаев:

— Саха сирин үрдүнэн дьаҥ тарҕаныаҕыттан 722 киһи ыарыйда. Бүтэһик сууккаҕа 35 киһи эбии ыарыйда. Ол иннинээҕи күҥҥэ эмиэ 35 киһи ыалдьыбыта. Бу мантан ыла ыалдьыбыт киһи ахсаана аччаан иһэр ини диэн эрэнэбит. Бу барыта хааччахтыыр миэрэлэри тутуһууттан тутулуктаах.

Бу 35 киһиттэн Дьокуускайга 27 киһи ыарыйда. Оттон Өймөкөөҥҥө түөрт киһи ыарыйда — үс баахтабай үлэһит, биир участковай. Ленскэйгэ уонна Нерюнгригэ баахтабай үлэһиттэр ыарыйдылар, эрдэ ыалдьыбыт дьону кытта хантаакстаспыттар ыарыйдылар.

Билигин даҕаны сэттэ киһи ыарахан туруктаах, бары Дьокуускайга бааллар.

Бүтэһик сууккаҕа 36 киһи үтүөрэн балыыһаттан таҕыста. Лабораториялар 1700 кэриҥэ анаалыһы оҥордулар.

edersaas.ru

+1
0
+1
0
+1
0
+1
0
+1
0
+1
0
+1
0