Саха сиригэр бүтэһик сууккаҕа өссө 40 киһи коронавирус дьаҥар хаптарда. Оттон 14 киһи үтүөрдэ. Бу туһунан суһал штаб иһитиннэрэр.
Ол курдук, Дьокуускайга 37 киһи, Хаҥаласка 1 киһи, Горнайга 1 киһи, Усуйаанаҕа 1 киһи ыалдьыбыт. Ыалдьыбыттар балыыһаҕа киирдилэр, хантаактаспыт дьону быһаара сылдьаллар.
Дьокуускайга 10 киһи үтүөрэн, балыыһаттан таҕыста. Ол иһигэр Чайыҥдаттан кэлбит 4 киһи баар. Нерюнгрига 2 киһи, Алдаҥҥа 1 киһи, Ленскэйгэ 1 киһи үтүөрбүтэ биллэр. Билиҥҥитэ 7 киһи ыарахан туруктаах.
Бэҕэһээ күн иһигэр өрөспүүбүлүкэ үрдүнэн 3709 тесты оҥордулар. Обсерватордарга 597 киһи баар.
Инньэ гынан, дьаҥ саҕаланыаҕыттан Саха сирин үрдүнэн
— 477 киһи ыарыйда;
— 69 киһи үтүөрдэ;
— 4 киһи тыына быһынна.
edersaas.ru
+1
+1
+1
+1
+1
+1
+1