Саха сиригэр 406 туонна саахар кэлиэҕэ

Ааптар: 
Бөлөххө киир:

Саха сиригэр кулун тутар 30 күнүгэр Якутоптторг лиинийэтинэн 406 туонна саахар уонна туоннаттан тахса бурдук кэлиэҕэ. Бу туһунан СӨ Урбааҥҥа, эргиэҥҥэ уонна туризмҥа миниистирэ Тимур Ханды бүгүҥҥү брифиҥҥэ иһитиннэрдэ.

Тимур Ханды этэринэн, биирдиилээн атыылыыр маҕаһыыннарга курууппа саппааһа өссө 78 күҥҥэ тиийэр баар, оттон кууһунан атыылааччыларга — 145 күҥҥэ. Мас арыыта биирдиилээн атыылыыр маҕаһыыҥҥа 73 күҥҥэ, кууһунан атыылааччыларга — 92 күҥҥэ, саахар — 66 уонна 147 күҥҥэ, бурдук — 44 уонна 29 күҥҥэ.

Саха сиригэр тимир суолунан 2150 богуон кэлэр, онтон 1680 богуона «Аллараа Бэстээх» ыстаансыйатыгар диэри кэлэр. Онно билигин 312 богуон баар, бүгүн 101 богуону сүөкүөхтэрэ.

Миниистир бэлиэтииринэн, бородуукта сыанатын үрдэтии иһин Сыана судаарыстыбаннай кэмитиэтэ 336 дьыаланы борокуратуураҕа ыыппыт.

Ааспыт нэдиэлэ түмүгэр балыкка, чэйгэ, килиэпкэ, оҕурсуга уонна пшеноҕа сыана 2% түспүтэ бэлиэтэммит.

Ил Дархан уонна Бырабыыталыстыба дьаһалтатын пресс-сулууспата.

+1
0
+1
0
+1
0
+1
0
+1
0
+1
0
+1
0