Роспотребнадзор Саха сиринээҕи управлениета иһитиннэрэринэн, сэтинньи ыйга ОРВИ-нан ыалдьыбыт дьон ахсаана элбээбит.
Саха сирин 436 тыһыынчаттан тахса олохтооҕо кириип утары быһыыны ылбыт. Бу уопсай нэһилиэнньэ 45,2 %-на буолар. Лабораторнай чинчийии дааннайдарынан, өрөспүүбүлүкэҕэ негриппознай этиологиялаах парагрипп, аденовирус, RC-вирус диэн дьаҥнар бааллара биллибит.
Роспотребнадзор Саха сиринээҕи управлениета кирииптээбэт, ОРВИ-лаабат туһуттан маннык миэрэлэри тутуһарга сүбэлиир:
— дьон мустар сиригэр сылдьа сатаамаҥ;
— сөтөллөр, ытырдар буоллаххытына салфетканы туттуҥ;
— атыы-эргиэн кииннэригэр, бааннарга, оптуобустарга, таксига маасканы кэтиҥ;
— илиигитин сууммакка эрэ айаххытын, муруҥҥутун, хараххытын таарыйымаҥ;
— илиигитин мыылалаан элбэхтэ суунуҥ;
— социальнай дистанцияны тутуһуҥ;
— төлөпүөнү испииртээх салфетканан сотуҥ;
Дьаҥ сибикитэ билиннэҕинэ бэйэҕит эмтэнимэҥ, бырааһы ыҥырыҥ.
edersaas.ru
Хаартыска — gazeta.ru