Саха сиригэр хааччахтыыр миэрэлэр сэтинньи 30 күнүгэр диэри уһатылыннылар
Ил Дархан Айсен Николаев бүгүн, алтынньы 30 күнүгэр, Саха сиригэр коронавируһунан хааччахтыыр миэрэлэри сэтинньи 30 күнүгэр диэри уһатар туһунан Ыйаахха илии баттаата.
Анал дьаһал тахсыар диэри өрөспүүбүлүкэҕэ эбии үөрэхтээһин уонна успуорка бэлэмнэнии тохтуур.
Саха сиригэр кэминэн уонна баахтанан үлэлии кэлэр дьон хайаатар даҕаны икки нэдиэлэлээх хааччахтааһыны тутуһуохтаахтар.
Каникулга сылдьар сааһын ситэ илик оҕолор ханна тиийбит сирдэринэн кэлбит күннэриттэн 14 күн мэдиссиинискэй кэтэбилгэ сылдьыахтаахтар.
Кууһунан уонна биирдиилээн атыылыыр тэрилтэлэр, уопсастыбаннай аһыыр сирдэр уонна араас өҥөнү оҥорор тэрилтэлэр дезинфекциялыыр сириэстибэлэри туттан, генеральнай уонна санитарнай сууйууну-сотууну оҥроллоро ирдэнэр: 400 кв.м. элбэх иэннээх дьиэлээх тэрилтэлэр хас бэнидиэнньик аайы сабыллан туран, сарсыарда 8 чаастан күнүс 12 чааска диэри, оттон 400 кв.м. кыра иэннээхтэр — хас өрөбүл аайы.
Ыйааҕы сиһилии манна ааҕыҥ: sakha.gov.ru
edersaas.ru
Хаартыска — СИА.