Бэлиитикэ Сүрүн

Саха сиригэр 313,5 тыһыынчаттан тахса киһи быыбардаата

Бүгүн киэһэ алта чаастааҕы дааннайынан, 313,5 тыһыынчаттан тахса киһи куоластаата. Бу туһунан Быыбар киин хамыыһыйатын бэрэссэдээтэлин солбуйааччы Александр Власов иһитиннэрдэ.

– Өрөспүүбүлүкэ үрдүнэн барыта 313,5 тыһыынчаттан тахса киһи куоластаата. Ити быыбардааччылар ахсааннарыттан 47,33 % ылар. Үс чаастааҕы көрдөрүүнү кытары тэҥнээн көрдөххө, дьон быыбарга кыттыыта алта бырыһыанынан үрдээтэ. 2016 сыллаахха буолбут Судаарыстыбаннай Дуума быыбарын көрдөрүүтүн кытары ханыылыы. Оччолорго өрөспүүбүлүкэ 47,49% быыбарга кыттыбыта. Мин саныахпар, икки чаас устата ити көрдөрүү куоһарыллыаҕа, – диэн бэлиэтиир Александр Васильевич.

Куоластааһыҥҥа ордук Анаабыр, Өлөөн, Үөһээ Бүлүү, Горнай, Амма, Таатта, Уус Алдан улуустара көхтөөхтүк кыттан иһэллэр. Манна быыбардааччылар 60-тан тахса бырыһыаннара номнуо куоластаан олороллор. Саха сиригэр билигин Халыма-Индигир бөлөх улуустарыгар быыбар түмүктэнэн, куолас ааҕыыта саҕаланна. Өймөкөөҥҥө, Усуйаанаҕа чаас аҥаарынан түмүктэниэҕэ.

Аграфена КУЗЬМИНА

4
0