Саха сиригэр олохтоох биир кэлим социальнай каартатын олоххо киллэрэргэ үлэ саҕаланна.
edersaas.ru
Бу курдук каарта Арассыыйа сорох эрэгийиэннэригэр ситиһиилээхтик олоххо киирбитэ. Холобур, Приморскай кыраайга «Приморец» каарта үлэлиир, Москваҕа «Карта москвича», Санкт-Петербурга «Единая карта петербуржца» бааллар. Маннык каартаҕа өрөспүүбүлүкэ уонна муниципалитет социальнай өҥөлөрүн, араас хампаанньалар чэпчэтиилэрин киллэриэххэ сөп. Ону таһынан каарта тыраанспарга, социальнай тэрилтэлэргэ дастабырыанньа курдук үлэлиэн эмиэ сөп. Биир кэлим каарта Саха сиригэр билигин үлэлиир сыһыарыыларга, өҥө оҥорор сулууспаларга сыһыарыллара сабаҕаланар.
СӨ бырабыыталыстыбатын бэрэссэдээтэлин э.т. Андрей Тарасенко этэринэн, билигин каартаны оҥорууга араас министиэристибэлэр, баан структуралара, IT-хампаанньалар уонна устудьуоннар бэрэстэбиитэллэрэ үлэлэһэ сылдьаллар.
“Каартаны хайдах ааттыырга уонна логотибын оҥорорго нэһилиэнньҕэ куонкурус биллэриллиэҕэ, бу күрэскэ ким баҕар кыттыан сөп буолуоҕа. Сонун, сэргэх толкуйдары күүтэбит!” — диир Андрей Тарасенко.
Егор Карпов, «Саха сирэ» хаһыат, edersaas.ru