Ааспыт сууккаҕа Саха сиригэр өссө 58 киһи коронавируска сутулунна

Бүгүн, от ыйын 9 күнүгэр, 11:00 чааска Саха сирин барыбыыталыстыбатын бэрэссэдээтэлин солбуйааччы Ольга Балабкина эрэгийиэҥҥэ коронавирус балаһыанньатын туһунан брифинг ыытта.

«Саха сиринээҕи Роспотребнадзор дааннайдарынан, ааспыт сууккаҕа 58 киһи эбии ыалдьыбыта билиннэ. Онтон 49 киһитэ Дьокуускай куоракка ыарыйда.

Иккилии киһи Мэҥэ Хаҥаласка, Нерюнгрига уонна Мииринэйгэ коронавируска сутулунна. Мэҥэ Хаҥалас улууһугар ыарыы саҥа көрдүгэнэ көһүннэ. Бу тарҕамматын туһуттан үлэ барар.

Биирдии киһи Тааттаҕа уонна Дьааҥыга ыарыйда. Дьааҥыга Дьокуускайтан өрөспүүбүлүкэ сүрүн онколога Лена Афанасьева салалталаах биригээдэ көттө. Киэһэ туох миэрэлэр ылыныллыахтарын наадатын туһунан иһитиннэриэхтэрэ.

Нэдиэлэ устата курдук Нам улууһугар ыарыы түбэлэтэтэ бэлиэтэммэтэҕэ. Билигин биир хантаактаах киһи ыарыйда.

Саха сирин үрдүнэн 11 лаборатория үлэлир. Ону кытта балыыһалар анаалыһы ылар буолан эрэрллэр. Өрөспүүбүлүкэҕэ дьаҥ туруоҕуттан 250 тыһыынча кэриҥэ коронавируска анаалыһы туттулар», — диэн Ольга Валерьевна иһитиннэрдэ.

edersaas.ru