Саха сиригэр 2024 сылга диэри 104 үөрэх тэрилтэтин өрөмүөннүөхтэрэ

Ааптар: 
Бөлөххө киир:

Үөрэх дьыла саҕаланарыар диэри федеральнай бырагырааманан 38 оскуоланы өрөмүөннүөхтэрэ, итинтэн 11 оскуоланы Дьокуускай куоракка. Куорат 21-с уонна 27-с нүөмэрдээх оскуолаларыгар хапытаалынай үлэ хаамыытын СӨ Бырабыыталыстыбатын бэрэссэдээтэлэ Андрей Тарасенко бэрэбиэркэлээтэ. Эбийиэктэр бэлэмнэрэ 88 % тэҥнэһэр.

“Биир тутуу 1973 сыллаах, иккис – 1965 сыллаах, онон бэдэрээтчиттэр үлэлэрэ элбэх. Маныаха 21-с нүөмэрдээх оскуола бэлэмэ үчүгэй, үөрэх дьыла саҕаланыар диэри баттаһаллар. 27-с оскуолаҕа ис үлэтин таһынан өссө таһынааҕы сири бэрээдэктииллэрэ уонна коммуникация боппуруоһун быһаараллара ирдэнэр. Барытын кылгас кэм иһигэр”, — диэн Андрей Тарасенко эттэ.

Өрөмүөн үлэтин түргэтэтэри уонна бэдэрээтчиттэри кытта чопчу миэрэлэри ыларга Ил Дархан Айсен Николаев сорудахтаата. Эбийиэктэргэ ирдэнэр миэбэли уонна тэрили аҕалбыттар. Атырдьах ыйын 15 күнүгэр диэри үлэ барыта бүтүөхтээх.

Санатан эттэххэ, дойду бэрэсидьиэнэ Владимир Путин сорудаҕынан 2026 сылга диэри эрэгийиэннэр оскуолаларын өрөмүөннүүр киэҥ хабааннаах бырагыраама саҕаламмыта. Саха сиригэр 2024 сылга диэри 104 үөрэх тэрилтэтин чөлүгэр түһэриэхтээхтэр. Билигин 25 улууска уонна уокурукка, уопсайа, 58 эбийиэккэ үлэ барар, итинтэн сороҕун быйыл, атынын 2023 сылга туттарыахтара.

Ону тэҥэ, быйылгы сыл түмүктэниэр диэри өрөспүүбүлүкэҕэ 15 оскуоланы үлэҕэ киллэриэхтэрэ. Онон 4000-тан тахса эбии үөрэх миэстэтин таһаарыахтара. Ол иһигэр 9 оскуола “Үөрэхтээһин” национальнай бырайыак иитинэн итиэннэ тыа сирин сайыннарыы бырагырааматынан тутуллар.

СӨ Үөрэҕин уонна билимин министиэристибэтин пресс-сулууспата.

+1
0
+1
0
+1
0
+1
0
+1
0
+1
0
+1
0