Саха сиригэр 20 485 киһи коронавирус утары быһыы бастакы түһүмэҕин ааста

Ааптар: 
Бөлөххө киир:

Олунньу 2 күнүнээҕи иһитиннэриинэн, Саха сиригэр коронавирус утары быһыыны оҥорорго өрөспүүбүлүкэҕэ 43 мэдиссиинэ тэрилтэтэ, 151 пуун, 109 мобильнай биригээдэ тэриллэн үлэлэһэллэр. 

edersaas.ru

Быһыыны биир хонукка 5900 киһиэхэ тиийэ оҥоруохтарын сөп. Маныаха быһыыны туруорууга 550 киһи үлэлиир. Оттон өрөспүүбүлүкэтээҕи мэдиссиинэ тэрилтэлэригэр вакцинаны сөптөөхтүк харайарга аналлаах 307 тэрил баар. 

Вакцина өрөспүүбүлүкэ бары улуустарыгар тиэрдилиннэ. Олунньу 2 күнүнээҕи туругунан, өрөспүүбүлүкэҕэ 27 292 доза вакцина аҕалыллыбыт. Быһыы бастакы түһүмэҕин 20485 киһи ааспыт, иккис быһыыны 1275 киһи ылбыт.

Быһыыны ыларга олорор сирдэринэн мэдиссиинэ тэрилтэлэригэр суруттарыахха сөп. Ыйытыылаахтар бу нүөмэргэ эрийэн чопчулаһыаххытын сөп: 122; 8-800-200-200 (24 чаас устата).

«Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0