Ыам ыйын 12-18 күннэригэр өрөспүүбүлүкэ үрдүнэн уруулга итирик туруктаах олорбут суоппардары тутуу күүскэ бара турар. Санатар буоллахха, сыл саҥатыттан 305 СТБ (суол-тырааныспар быһылаана) тахсыбытын түмүгэр, 32 киһи суорума суолламмыт, 382 киһи эт-хаан эчэйиитин ылбыт.
Александр Тарасов, «Саха сирэ» хаһыат, edersaas.ru
Оттон итирик туруктаах уруулга олорууттан 28 саахал тахсыбытыттан, 7 киһи тыына быстыбыт, 32 киһи эчэйбит.
Ааспыт нэдиэлэҕэ ГАИ үлэһиттэрэ өрөспүүбүлүкэ үрдүнэн уруулга итирик туруктаах 199 киһи олорбутун туппуттар. Ону улуустарынан көрдөххө маннык, Дьокуускай 92, Мирнэй 1, Нерюнгри 12, Таатта 7, Мэҥэ Хаҥалас 8, Ленскэй 8, Бүлүү 6, Сунтаар 4, Нам 4, Алдан 9, Чурапчы 4, Ньурба 4, Хаҥалас 6, Томпо 2, Өлүөхүмэ 2, Үөһээ Бүлүү 4, Амма 2, Горнай 4, Уус Маайа 2, Уус Алдан 3.
Сергей Сетынь, СӨ ИДьМ-тын Суолга куттал суох буолуутун судаарыстыбаннай иниспиэксийэтин управлениетын пресс-сулууспатын начаалынньыга:
– Ыам ыйын 12-18 күннэригэр уруулга итирик туруктаах олорбут суоппардары тутуу күүскэ бара турар. Бэрэбиэркэ киэһэ, түүн уонна сарсыарда ыытыллар. Рейдэ түмүгэ ыам ыйын 18 күнүгэр биллиэҕэ.
Санатар буоллахха, итирик туруктаах тимир көлөнү ыытан тутулуннахха, массыынаны ыытар быраап икки сыл быһыллар уонна 30 тыһ. солк ыстараап төлөнүллэр.
