Өрөспүүбүлүкэҕэ «Култуура» национальнай бырайыак чэрчитинэн култуура эбийиэктэрин тутуу уонна саҥардыы үлэлэрэ салҕаналлар.
edersaas.ru
CӨ култуураҕа уонна духуобунай сайдыыга миниистирэ Юрий Куприянов бүгүн ситэриилээх былаас уорганнарын отчуотугар иһитиннэрбитинэн, 2021 сылга 7 саҥа эбийиэк үлэҕэ киирдэ. Оҕо ускуустубатын 9 оскуолата муусука үнүстүрүмүөннэннэ, модельнай бибилэтиэкэлэр аһылыннылар.
Ковидынан сибээстээн, култуура тэрилтэлэрин саалаларыгар дьону толоруу 50% хааччахтанан, онлайн нөҥүө үлэ күүһүрдүллүбүтэ. Салгыы
Юрий Куприянов Д.К.Сивцев-Суорун Омоллоон аатынан Опера уонна балет тыйаатырын ситиһиитин бэлиэтээтэ. Тыйаатыр операҕа «Онегин» Арассыыйа национальнай бириэмийэтин биир номинациятын кыайыылааҕынан буолбута.
СӨ Култуураҕа уонна духуобунаска министиэристибэтин, Национальнай бибилэтиэкэ, улуустар бибилэтиэкэлэрин ситимин ситиһиилээх үлэлэрин көмөтүнэн, Саха сирэ саамай ааҕар эрэгийиэнинэн билиниллибитэ.
Ону таһынан өрөспүүбүлүкэҕэ «Пушкин картата» федеральнай бырагыраама олоххо ситиһиилээхтик киллэриллэр. Санатан эттэххэ, бырагыраама ааспыт сыл балаҕан ыйыттан Арассыыйа бэрэсидьиэнэ Владимир Путин көҕүлээһининэн үлэлиир. Саха сиригэр 18 тыһыынча эдэр киһи «Пушкин картатынан» култуура араас дьаһалыгар сылдьар.
Надежда ЕГОРОВА, «Саха сирэ», edersaas.ru