Саха сиригэр ыраахтан олорон (дистанционно) үөрэтии кыаллыбат 164 оскуолатыгар кэккэ ирдэбиллэри тутуһан бөлөҕүнэн үөрэтэллэр. Ити туһунан СӨ Үөрэҕин уонна наукатын министиэристибэтин пресс-сулууспата иһитиннэрэр.
Бэҕэһээҥҥиттэн өрөспүүбүлүкэ уопсай үөрэхтээһинин 649 оскуолата 100 % үөрэнэн саҕалаата. 147 624 үөрэнээччиттэн 136 116 оҕо (92,20 %) ыраахтан олорон үөрэниигэ көспүт. Ол иһигэр, үөрэнээччи уопсай ахсааныттан онлайн — 110 326 (74,7 %), офлайн — 25 709 (17,4 %), 7,8 % оскуолаҕа тиийэн бөлөҕүнэн үөрэнэр диэн ыйыллар.
Аны орто анал үөрэх 17 тыһыынчаттан тахса, үрдүк үөрэх 20 тыһыынча кэриҥэ устудьуона ыраахтан олорон үөрэнэр эбит. Сорохтор быраактыкаларын ааһаллар үһү.
СӨ Үөрэҕин уонна наукатын миниистирэ Владимир Егоров үөрэҕи тэрийиини тус бэйэтинэн кэтээн көрөр. Улуустааҕы үөрэх управлениетын начаалынньыктара, оскуола дириэктэрдэрэ онлайн сибээскэ тахсан, үөрэх хайдах барарын туһунан кэпсэтэллэр, уопуттарыттан үллэстэллэр.
+1
+1
+1
+1
+1
+1
+1